Паводле Барыса Хамайды, эскіз помніка ўжо гатовы – яго зрабіў віцебскі мастак Ян Таўпыга, які з’яўляецца і сябрам Сойму Кансэрватыўна-Хрысьціянскай Партыі БНФ. Уладзімір Плешчанка кіраваў абласной структурай гэтае партыі, яго добра ведалі жыхары Віцебску. І таму спадар Хамайда ўпэўнены, што сярод землякоў знойдзецца нямала ахвотных ахвяраваць сродкі на помнік апазыцыянеру. Збіраць ахвяраваньні ён мяркуе з 2-га лістапада і запрашае ўсіх падтрымаць ягоную ініцыятыву.
Сёньня сябры ўсклалі на магілу Уладзіміра Плешчанкі белыя ды чырвоная гваздзікі і ўшанавалі ягоную памяць хвілінай маўчання пад бел-чырвон-белым сцягам.
