Наведвальнікам кавярняў "Лучоса", "Тэатральнае", дыскатэкі "Бамонд" і іншых забаўляльных устаноў у Віцебску нядаўна раздавалі буклеты пра небяспеку выпадковых палавых сувязей.
Іх жа ўручалі і студэнтам ВДУ імя Машэрава, тэхналагічнага універсітэта, ветырынарнай акадэміі. Усё гэта праходзіла ў межах акцыі "Кахаць, быць здаровым і атрымліваць асалоду ад жыцця", якую сумесна ладзяць грамадская арганізацыя "Ульяна" і скурвендыспансер. Акцыя па прапагандзе здаровага ладу жыцця будзе мець працяг, паведамляе газета "Віцьбічы".