Вуліцы Леніна вернуць гістарычную назву
Полацкія ўлады вырашылі вярнуць гістарычнае імя вуліцы Леніна. Як паведамляе Еўрапейскае радыё для Беларусі са спасылкай на начальніка ідэалагічнага аддзела Полацкага гарвыканкама Аляксандра Адзіночкіна, ужо ўвосень шыльды з надпісам "вуліца Леніна" знікнуць. Вуліца атрымае назву Вялікая, якую насіла ў сярэднявеччы і да канца ХVIII стагоддзя. У далейшым полацкія ўлады плануюць зрабіць вуліцу Вялікую пешаходнай.
