Самыя дысцыплінаваныя кіроўцы маршрутак у Віцебску атрымалі прызы
Упраўленне ДАІ УУС Віцебскага аблвыканкама сёння ўзнагародзіла самых дысцыплінаваных кіроўцаў маршрутных таксі ў Віцебску.
Падчас рэспубліканскай дэкады па прафілактыцы парушэнняў Правіл дарожнага руху супрацоўнікі ДАІ вырашылі не толькі выяўляць парушальнікаў, але і ўзнагародзіць каштоўнымі прызамі і падарункамі дысцыплінаваных кіроўцаў. Прызёры адбіраліся з ліку тых, хто не парушаў ПДР напрацягу некалькіх гадоў. У выніку набралася 20 чалавек, якія адпавядаюць усім строгім патрабаванням ДАІ.
Падарункі для іх падрыхтавала абласное аддзяленне грамадскага аб’яднання “Беларускі фонд бяспекі дарожнага руху”, паведамляе БелТА.
