У Віцебску пройдзе канцэрт гурта “Восьмыдзень”
У канцэртным зале “Віцебск” 8 лютага адбудзецца канцэрт фолк-рок-гурта “Восьмыдзень”. Музыкі прадставяць новую праграму “Рэкі”.
Як гаворыцца ў прэс-рэлізе “Цэнтра культуры “Віцебск”, канцэрт будзе адлюстроўваць “павольны рух аднаго гадавога кола жыцця нашых продкаў”. Адвечны рух сонцазварота – вясна, лета, восень, зіма – будзе перададзены праз змену музычнага настрою кампазіцый і вобразаў.
Канцэрт пачнецца а 19 гадзіне.
