Прэзентацыя альманаха сучаснай беларускай культуры pARTisan (тэма нумару — вера) і кнігі аналітычных эсэ “Невядомая Беларусь” адбылася 26 лютага ў “Еўрапейскім клубе” ў Віцебску.
Новы нумар pARTisan-а “невелькай але бардзо пожондной” кампаніі, якая сабралася ў клубе, прадставіў культуролаг Максім Жбанкоў, а кнігу “Невядомая Беларусь” — якую напісалі беларускія, польскія і рускія інтэлектуалы — філосафы Валянцін Акудовіч і Алесь Анціпенка. Дадаткова канцэптуальны мастак Артур Клінаў распавёў пра новую серыю мастацкіх альбомаў “Калекцыя пАРТызана”.
Імпрэза прайшла ў межах кампаніі “Будзьма!”
