3 ліпеня на Віцьбе, з нагоды Дня Незалежнасці Рэспублікі Беларусь, адбылося воднае свята.
Свята адкрыла княгіня Вольга, якая прыбыла на лоадчную станцыю ў пойме Віцьбы на маторнай ладдзе. Сустракалі раўнапостальную княгіню прадстаўнікі кулбаў гістарычнай рэканструкцыі, славяна-горыцкай барацьбы і ролявых гульняў.
Паказальныя выступы да свята падрыхтавалі супрацоўнікі МНС: тушылі нафту, ратавалі тапельца, а потым утапілі ВАЗ-2101, які потым самі зноў жа выратавалі. Міліцянеры паказалі двух разумных сабак, якія па паху ўмеюць знаходзіць сярод гары абутка бацінак ад патрэбнай пары. А парашутысты прызямляліся як сярод натоўпа гледачоў, так і проста ў ваду.
На сцэне можна было ўбачыць танцавальны ансамблі “Егаза” і “Лявоніха”, студыю “Форум”, ансамбль “Дабрадзеі” і іншых.
