У Віцебску адбылася сустрэча з Уладзімірам Някляевым
Сустрэча з вядомым беларускім паэтам і пісьменнікам Уладзімірам Някляевым прайшла ў “Еўрапейскім клубе” ў Віцебску 23 ліпеня.
Літаратар прачытаў перад віцебскай публікай урыўкі са сваіх празаічных твораў і шэраг вершаў. Пытанняў да госця было няшмат, але іх дыяпазон быў самы шырокі — ад загадкі смерці Янкі Купалы, да ролі Аляксандра Лукашэнкі ў захаванні суверэнітэту Рэспублікай Беларусь.