“Ноч Ваўкалака” вяртаецца

Штогадовы канцэрт-конкурс сярод рок-гуртоў, якія выконваюць свае песні на матчынай мове, зноўку адбудзецца ў Полацку ў сярэдзіне лістапада.

Шкада, але ў гэтым годзе ён будзе насіць новую назву. Арганізатары не атрымала згоды гарадскіх улад на старую назву фэсту – “Ноч Ваўкалака”. Таму было вырашана назваць сёлетні канцэрт-конкурс “LIVEinROCK”.

“LIVEinROCK” – назва полацкага рок-клуба, музыкі якога прымаюць непасрэдны ўдзел у арганізацыі конкурсу.

Заяўку на ўдзел у конкурсе можна даслаць на e-mail: [email protected].

Яна павінна ўтрымліваць прэс-рэліз (кароткая інфармацыя пра гурт), дэма-запіс альбо відэа 3-х песень, тэксты песень, якія будуць выконвацца падчас конкурсу (толькі на беларускай мове) і фатаграфіі гурта.

Прыём заявак па 1 лістапада ўключна.

У якасці прызу гурт-пераможца конкурснай праграмы “LIVEinROCK” атрымае магчымасць папрацаваць у менскай студыі гуказапісу.

Больш падрабязную інфармацыю можна атрымаць па кантактных тэлефонах: 711-60-56 (Марына) і 517-60-30 (Павал).

Меткі: , , ,

Чытайце яшчэ