ФК “Віцебск” застаецца ў вышэйшай лізе
ФК “Віцебск” усё ж такі здолеў застацца ў вышэйшай лізе – сёння наша каманда завяршыла матч апошняга тура чэмпіяната Беларусі нічыёй 1:1. На сваім полі віцябляне прымалі гасцей з Мінска – МТЗ-РІПА. Больш цікава камады выглядалі ў першым тайме.
На 21-й хвіліне моцным ударам з-за штрафной лініі мяч у сетку варот гаспадароў адправіў Зміцер Шагрыковіч. Праз сем хвілін галоўны арбітр сустрэчы прызначае адзінаццаціметровы ўдар у бок віцебскай дружыны. Каманду бела-сініх выратаваў галкіпер Юрый Васюцін, які парыраваў удар.
Другі тайм віцябляне распачалі з націска на вароты суперніка. На 47-й хвіліне пасля ўдара Вадзіма Шакава штанга выратавала вароты Аляксандра Суліма. Але праз хвіліну пасля падачы ўглавога лік зраўняў Андрэй Гараўцоў.
Парадаваў віцебскіх заўзятараў сваім удзелам у гульні ветэран віцебскага футбола, член трэнерскага штаба Сяргей Вехцеў, які выйшаў на замену за дзесяць хвілін да заканчэння гульні.
