Рэдакцыя “Народных навінаў Віцебска” ужо традыцыйна прапануе сваім чытачам вызначыць самую выбітную асобу Віцебска за 2009 год. Вы павінны галасаваннем абраць чалавека, які, на ваш погляд, найбольш спрыяў нашаму гораду і пашырэнню яго вядомасці ў свеце. Пра ўсіх кандыдатаў мы некалі пісалі на сваіх старонках.
Сяргей Белязека — мясцовы актывіст апазіцыі. Першы чалавек у гісторыі Рэспублікі Беларусь, які папрасіў пазбавіць яго беларускага грамадзянства па палітычных матывах.
Аляксандр Косінец — старшыня Віцебскага аблвыканкаму. У першы ж год свайго кіравання змяніў воблік горада да непазнавальнасці.
Міхаіл Петухоў — борт-інжынер, які калісьці служыў ў 339 ВТАП. Арыштаваны ў Бангкоку за перавозку зброі на самалёце Іл-76, які калісьці належаў Віктару Буту.
Аляксандр Рыбак — нарвежскі спявак з віцебскімі каранямі. Здолеў здзівіць да ўсяго прывычнага Радзівона Баса сваім райдэрам на “Славянскі базар у Віцебску”.
Сяргей Харлан — капітан рабалоўчага сейнера. 29 кастрычніка трапіў у палон да самалійскіх піратаў, і дагэтуль утрымліваецца імі.
Хто павінен стаць Чалавекам году Віцебска-2009?
- Аляксандр Косінец (41%, Галасоў: 231)
- Аляксандр Рыбак (34%, Галасоў: 194)
- Сяргей Белязека (13%, Галасоў: 73)
- Міхаіл Петухоў (6%, Галасоў: 35)
- Сяргей Харлан (5%, Галасоў: 31)
Усяго галасоў: 564
