Двух чалавек выратаваў на пажары прапаршчык міліцыі з Лепельскага аддзела аховы Ігар Васільеў.
Як паведамляе газета “Звязда” са спасылкай на першага намесніка начальніка Віцебскага абласнога ўпраўлення Дэпартамента аховы Ігара Полесава, здарэнне адбылася а тэцяй гадзіне ночы. Прапаршчык Васільеў вяртаўся дадому на машыне. Ўбачыў, што гарыць дом у прыватым сектары. Ігар Васільеў не толькі выклікаў пажарную ахову, але і асабіста ўзяў удзел ў ліквідацыі пажара ды ратаванні гаспадароў дома.