Суд над актывістам КХП БНФ Сярем Каваленкам, які 7 студзеня вывесіў над галоўнай ёлкай Віцебска бел-чырвона-белы сцяг, пачнецца 20 красавіка ў 10:30 у Кастрычніцкім раённым судзе.
Спадара Каваленку абвінавачваюць у хуліганстве і супраціве супрацоўнікам міліцыі, што пагражае яму зняволеннем на тэрмін да 6 гадоў. Таксама міліцыянты, якія арыштоўвалі апзіцыянера, жадаюць спагнаць з яго па 10 мільёнаў кожны “матэрыяльнай кампенсацыі маральнай шкоды”.
Сяргей Каваленка звярнуўся да жыхароў дома №8 па Маскоўскім праспэкце, які знаходзіцца перад плошчай Перамогі, каб яны і іншыя сведкі яго ўчынка прыйшлі заўтра ў 10.30 у Кастрычніцкі раённы суд, каб даць праўдзівыя паказанні.