У Польшчы арыштаваны палітуцякач з Віцебска Зміцер Піменаў
Зміцер Піменаў, які неалькі гадоў таму з’ехаў з Віцебска і атрымаў палітычны прытулак у Бельгіі, затрыманы ў Польшчы пры спробе перасячы польска-украінскую мяжу.
У пачатку 2009 года Зміцер Піменаў быў абвешчаны беларускімі ўладамі ў міжнародны вышук праз Інтэрпол. Запыт на яго арышт выдадзены з Віцебска, апазіцыянера абвінавачваюць у хуліганстве і вандалізме.
Як паведаміла “Еўрарадыё” жонка затрыманага палітуцекача спадара Піменава, яе муж быў затрыманы польскімі памежнікамі і перададзены яго мясцовай паліцыі. Цяпер будзе разглядацца магчымасць яго экстрадыцыі ў Беларусь.
