Кошты на прадукты харчавання ў Віцебску ў студзені
Студзеньскія кошты на прадукты харчавання “ННВ” вывучалі ў краме “Веста” №87, размешчанай у будынку на вуліцы Леніна, 28, вядомым сярод віцебскіх людзей пад каларытнай назвай “сіні дом”.
Зноў падаражэлі малочныя прадукты: кефір, малако, сыр, тварог. Аднак зараз віцебскія малочнікі крыху пашырылі асартымент сваіх вырабаў: калі ў лістападзе-снежні ў горадзе было не знайсці звычайнага тварагу, а толькі ягоны біяадпаведнік, то зараз аматары тварожных ласункаў могуць знайсці на паліцах тварог 11% тлустасці па кошце 5 470 рублёў. Ну і тыя самыя, ужо да аскоміны ўсім знаёмыя, два гатункі біятварагу: абястлушчаны і тлустасцю 9%.
Добрая навіна для аматараў моцных спіртных напояў – кошт на гарэлку той жа. Пляшку “За удачу” (кошты на гэты від гарэлкі мы адсочваем з верасня 2011 года) можна ўзяць за тыя ж самыя 20 500 рублёў, што і ў снежні.
Абсалютна не змяніліся кошты на соль, цукар, каву Nescafe Classic, грэчку, апельсіны, белакачанную капусту і бульбу.
Як ні дзіўна, працягвае таннець рыба. Зараз кілаграм хека каштуе 35 290 рублёў, а ў снежні гэта рыба “цягнула” на 38 670 рублёў, у лістападзе – увогуле на 41 900 рублёў.
Літаральна на нейкія “капейкі” апусціліся кошты на муку і макароны. Пры гэтым нязначна, але даражэй сталі каштаваць курыца, цыбуля, морква, буракі. Цяплічныя агуркі з Рудакова ў студзені каштуюць на 4000 рублёў даражэй, чым перад Новым годам каштавалі агуркі з Іспаніі.
Нагадаем, што ў дужках мы прыводзім снежаньскія кошты, каб можна было параўнаць іх з цяперашнімі.
Малако (3,6%, 0,9 л, поліэтыленавы пакет) – 3 920 рублёў (2 290 рублёў; 3,5%)
Смятана (26%, 0,4 л) – 8 500 рублёў (6 370 рублёў)
Масла сметанковае (Паставы) – 8 860 рублёў
Сыр “Расійскі ” – 49 570 рублёў (у снежні кг “Галандскага” каштаваў 41 680 рублёў)
Тварог, 11% – 5 470 рублёў
Яйкі, дзясятак С1 з селенам – 9 710 рублёў (8 730 рублёў)
Алей “Любонька” – 18 900 рублёў
Хлеб “Двинский йодированный”, 0,9, без упакоўкі – 4 440 рублёў (“Замковый новый”– 3940 рублёў)
Цукар, 1 кг, у поліэтыленавым пакеце – 6 400 рублёў (столькі ж у снежні)
Гарбата “Хэйліс” (чорная, 100 г) – 19 130 рублёў
Кава Nescafe Classic (100 г) – 29 900 рублёў (столькі ж і ў снежні)
Мяса (свініна) – 29 150 рублёў
Курыца (тушка бройлера, 1 кг, фабрыка “Ганна”) – 25 340 рублёў (24 460 рублёў)
Рыба (хек) – 35 290 рублёў (38 670 рублёў)
Рыс (0,8 кг, апрацаваны парай) – 8 900 рублёў
Грэчка – 16 910 рублёў (1 кг, Расія); 15 310 рублёў (1 кг, Беларусь) (столькі ж у снежні)
Макароны (“Столичная мельница”, Мінск, 800 г) – 6 690 рублёў (6 850 рублёў)
Мука (Віцебск, вышэйшы гатунак, 1 кг) – 3 630 рублёў (3 720 рублёў)
Соль “Беларуская” – 1 660 рублёў (столькі ж і ў снежні)
Гарэлка “За удачу”(0,5 л) – 20 500 рублёў (столькі ж – у снежні; 17 020 рублёў – у лістападзе; 15 990 рублёў – у кастрычніку; 11 340 рублёў ¬– у верасні)
Яблыкі – (Польшча) – 14 490 рублёў
Бананы – 9 200 рублёў (8 920 рублёў)
Апельсіны – 15 550 рублёў (столькі ж у снежні)
Лімон – 12 500 рублёў (13 900 рублёў)
Вінаград – 33 330 рублёў
Ківі – 14 490 рублёў (15 040 рублёў)
Памідоры – 25 060 рублёў
Агуркі (Рудакова) – 26 250 рублёў (22 300 рублёў; Іспанія)
Капуста белакачанная – 1 370 рублёў (столькі ж у снежні)
Цыбуля – 4 130 рублёў (3 750 рублёў)
Морква – 2 810 рублёў (2 750 рублёў)
Бульба – 1 830 рублёў (столькі ж у снежні)
Буракі – 2 310 (2 200 рублёў)
Часнок – 21 200 (19 100 рублёў)
