Пасля першага тайма быў вялікі спадзеў, што віцебская футбольная жаночая каманда “Універсітэт” у сябе дома падзеліць ачкі са срэбраным прызёрам мінулага чэмпіяната – “Зоркай- БДУ”.
Першы адрэзак гульні, можна сказаць, прайшоў у роўнай барацьбе. Хвілін за 15 да перапынка госцям усё-ткі ўдалося навязаць віцяблянкам сваю гульню. Стартавы тайм матча выдаўся небагатым на вострыя моманты. Можна адзначыць удар са штрафнога абаронцы віцебскай каманды Вольгі Волкавай – мяч трапіў у перакладзіну. Варта ўзгадаць і сэйв варатаркі “Універсітэта” Аліны Броўка, якая пасля небяспечнага ўдара здолела выцягнуць мяч з ніжняга вугла літаральна кончыкамі пальцаў.
Другі тайм прайшоў пад націскам мінчанак, якія двойчы дабіліся поспеху.
