Віншаванне біскупа Віцебскага Уладзіслава Бліна на Раство Хрыстова
«Шчаслівыя вочы вашыя, таму што бачаць, і вушы вашыя, таму што чуюць» (Мц. 13, 16-17).
Eзус пасяліўся між намі. Кожнага чалавека Ён адорвае сваёй любоўю, паказвае шлях
і аднаўляе надзею. Маленькі Езус хоча нас весці праз усё жыццё. Таму ноч Божага Нараджэння прасвятляе сэнс чалавечага лёсу. Божае Нараджэнне дае нам таксама пачатак новага жыцця. На кожны дзень дарогі праз гэты свет няхай Бог вас бласлаўляе.
