У Віцебску на ЦСК у гэтыя выходныя прайшоў IV Адкрыты чэмпіянат Еўропы-2013 па ката і накдаўн-каратэ сярод дарослых, юніёраў і дзяцей.
Чэмпіянат сабраў 13 розных стыляў і напрамкаў каратэ. На татамі ў гульнявой зале ЦСК выходзілі каля 300 удзельнікаў з сямі краін - Беларусі, Расіі, Украіны, Азербайджана, Польшчы, Эстоніі і Венгрыі.
У суботу прайшлі адборачныя спаборніцтвы і фінал па ката. Затым адбыліся адборачныя і фінальныя паядынкі па кумітэ сярод дарослых. Сёння сіламі мераліся дзеці і юніёры.
