Народныя навіны ВіцебскаНародные новости Витебска

“Народныя навіны Віцебска” пачынаюць галасаванне, каб вызначыць найбольш выбітную асобу мінулага года, якая найбольш спрыяла гораду і яго вядомасці, а таксама фігуравала ў навінах нашага выдання.

Уладзіслаў Блін — першы біскуп Віцебскай дыяцэзіі каталіцкага касцёла. Прызначаны на гэтую пасаду 13 кастрычніка 1999 годзе дэкрэтам папы Яна Паўла ІІ, а 25 лютага 2013 года сышоў у адстаўку з нагоды слабага здароўя.

Архіепіскап Віцебскі і Аршанскі Дзімітрый (Мікалай Драздоў) — кіраўнік віцебскай епархіі Беларускай праваслаўнай царквы. Гэты іерарх у мінулым годзе выступіў з арыгінальнай ідэяй пабудовы ў Віцебску копіі полацкага Сафійскага сабора ў яго першапачатковым выглядзе. Гэтая ініцыятыва была ўхваленая патрыярхам Кірылам.

Уладзімір Конараў — віцебскі яхцмен, які на пабудаванай уласнымі рукамі яхце “Вірго-2” праплыў Дзвіной і Балтыйскім морам з паўночнай сталіцы Беларусі ў паўночную сталіцу Расіі, пабываўшы пры гэтым у шэрагу партоў Прыбалтыкі і Скандынавіі. На “ННВ” ён вёў дзённік свайго падарожжа.

Ігар Пастноў — віцебскі ўрач, які паслядоўна падвяргае крытыцы дзейнасць мясцовых уладаў. Ён ужо намінаваўся ў мінулым годзе, а сёлета пераслед урача-праўдаруба быў узмоцнены — спадара Пастнова прымусова змясцілі ў псіхіятрычную лячэбніцу. Amnesty International выказала гатоўнасць прызнаць яго вязнем сумлення.

Юрый Поклад — трэнер віцебскай каманды па міні-футболе “Вітэн”, якая стала чэмпіёнам Беларусі і выйшла ў Лігу чэмпіёнаў.

Уладзімір Пяшкун — чарговы “сын лейтэнанта Шмідта”, які наведаў горад на Дзвіне. Ён выступіў на афіцыйным гарадскім мерапрыемстве пад выглядам Героя Расіі і генерал-маёра марской пяхоты. Насамрэч, як паведамілі землякі Пешкуна, ён некалі служыў у штабе падраздзялення марской пяхоты пісарам, звольніўся ў званні не вышэй сяржанта і, зразумела, ніколі не быў узнагароджаны званнямі Героя ці Героя працы Расіі.

Вераніка Рыдкіна — 22-гадовая студэнтка Віцебскага дзяржаўнага тэхналагічнага ўніверсітэта, якая пасля 9-гадовага перарыву ў правядзенні конкурса, атрымала карону “Міс Віцебск-2013”.

Галасаванне будзе цягнуцца да 4 лютага.

 Loading ...