Гурт “Вурай” у Віцебску прэзентаваў новы альбом “Раёк”. Фотарэпартаж
15 чэрвеня ў памяшканні цэнтра сучаснага мастацтва ў Віцебску адбылася прэзентацыя новага альбома “Раёк” фольк-праекта “Вурай”.
Віцябляне сталі першымі, хто пачу новы дыск, які выйшаў у Кіеве на лэйбле “Наш фармат”. “Раёк” — трэці альбом гурта, у яго ўвайшлі 9 кампазіцый. Кружэлка рыхтавалася цягам двух гадоў і складаецца, збольшага, з летніх “жніўных” песень. У новым альбоме можна пачуць толькі жывыя акустычныя інструменты: скрыпка, флейта, кантрабас, гітара, барабаны, гармонік ды разнастайныя жалейкі.
Творчасць “Вурая” адметная тым, што гурт не займаецца пераспяваннем народных песень, а стварае абсалютна новыя самастойныя творы, абапіраючыся на нашую спадчыну.
