У Віцебску прададуць за аўкцыёна яшчэ адзін помнік архітэктуры
15 красавіка ў Віцебску з аўкцыёна ЖРЭТ Кастрычніцкага раёна будзе прадаваць размешчаны па правулку Гогаля, 3 будынак былой СШ №4,які з’яўляецца гісторыка-культурнай каштоўнасцю 3 катэгорыі.
Трохпавярховы цагляны будынак, пабудаваны да 1917 года агульнай плошчай 987,2 квадратных метраў прадаецца разам з гаспадарчым цагляным хлевам плошчай 29,1 квадратных метры, пабудаваным у 2001 годзе.
Кошт лота вызначаны ў памеры 6 948 636 845 рублёў. Акрамя таго пакупнік мусіць кампенсаваць 8 918 636 рублёў за падрыхтоўку дакументаў да аўкцыёна.
Згодна ўмоваў продажу новы гаспадар мусіць выкарыстоўваць будынак для размяшчэнне аб'екта грамадска-жыллёвага прызначэння за выключэннем ігральнага бізнесу.
Нагадаем, што ў пачатку лютага ў Віцебску спрабавалі прадаць за 6 424 544 788 рублёў будынкі №10, №10б і №12 па вуліцы Дзімітрава, з якіх два — №10 і №12 — уваходзяць у склад гісторыка-культурнай каштоўнасці 3 катэгорыі. Аднак, падобна што пакупніка не знайшлося — 29 красавіка яны будуць зноў выстаўленыя на аўкцыён па зніжаным на 20% кошце ў 5 197 761 737 рублёў.
