Віцебскія школьнікі стварылі шэраг відэаролікаў з дэкламацыяй вершаў беларускіх класікаў
Вучні 5—11 класаў сярэдняй школы №40 Віцебска стварылі праект “Люблю чытаць па-беларуску” для якога запісвалі відэа з уласнай дэкламацыяй вершаў беларускіх паэтаў.
Прыхільнікі беларускай паэзіі здымалі відэа цягам году — з сакавіка 2015 па сакавік 2016 года, паведамляецца на сайце школы. Шчыра і пранікнёна школьнікі перад камерай чыталі беларускія вершы ў дварах і на вуліцах роднага Віцебска, на беразе рэчкі, у поле і ў лесе.
Чатырнаццаць лепшых відэакліпаў, запісаных вучнямі СШ №40, можна ўбачыць на канале школы ў YouTube. Там прадстаўленыя наступныя вершы:
- Ніна Аксёнчык “О май, — пара кахання”
- Максім Багдановіч “Зімой”
- Рыгор Барадулін “Уцякала зіма ад вясны” і “Пакуль жывеш развітвайся з жыццём”
- Міхал Будаеў “Лета”
- Вера Вярба “Матуліны рукі”
- Ніл Гілевіч “Маці”
- Анатоль Грачанікаў “Зоры спяваюць” і “Над Белаю Руссю…”
- Якуб Колас “На полі вясною”
- Янка Купала “Лета” і “Спадчына”
- Пімен Панчанка “Той дзень прапаў і страчаны навекі”
- Максім Танк “Родная мова”
