Віцебскія пляжнікі заваявалі Кубак краіны
У гэтыя выходныя ў Мазыры прайшоў розыгрыш Кубка Беларусі па пляжным футболе.
У спаборніцве ўдзельнічалі 8 каманд. У чвэрцьфінале віцебская каманда “Вітаблспорт” была мацней кобрынскага клуба ”Палесся” (9:2).
У паўфінальным супрацьстаянні са зборнай Беларусі U23 для віцяблян гульня склалася куды складаней. “Вітаблспорт” вымушаны быў чатыры разы зраўніваць лік. Урэшце нашы хлопцы вырвалі перамогу (5:4).
У фінальным паядынку віцябляне перайгралі брэсцкую каманду “Лагуна-Кікерс” з лікам 4:1.
