Барысу Хамайдзе споўнілася 75 гадоў
Самы нязломны віцебскі апазіцыянер Барыс Хамайда сёння святкуе 75-гадовы юбілей.
У 1991 годзе Барыс Хамайда зарэгістраваў адно з першых незалежных выданняў у Віцебску — газету “Выбар”. На гэтае СМІ ён ахвяраваў грошы, заробленыя за некалькі гадоў працы на станцыі Цюмень у Сібіры.
Годам раней, разам Уладзімірам Плешчанкам Хамайда стварыў у Віцебску клуб выбаршчыкаў “За дэмакратычныя выбары”.
Пасля скасавання ліцэнзіі газеты “Выбар”, Барыс Ханонавіч яшчэ доўга знаходзіў спосабы для яе выдання і распаўсюду.
Дзякуючы сваім стаічным адзіночным пікетам у цэнтры Віцебска ля Сіняга дома спадар Хамайда стаў адным з сімвалаў горада і змагання за свабоду.