У Краязнаўчым музеі Полацка адкрылася выстава “Гандлёвыя сувязі Полацка ў X-XVI стст.”
16 чэрвеня ў Краязнаўчым музеі Полацка адкрылася выстава “Гандлёвыя сувязі Полацка ў X-XVI стст.”, на якой можна ўбачыць рэчы, якія шмат стагоддзяў таму прывозілі з розных куткоў свету полацкія купцы.
Полацкае княства — адно з буйнейшых і самых ранніх ва Усходняй Еўропе дзяржаўных утварэнняў. Яго цэнтрам на працягу многіх стагоддзяў быў Полацк, які займаў выгаднае геаграфічнае становішча. Праз размешчаны на берагах дзвюх рэк — Заходняй Дзвіны і Палаты горад праходзіў міжнародны гандлёвы шлях, які аб'ядноўваў краіны Поўдня і арабскага Усходу з гарадамі Паўночнай Русі і скандынаўскімі краінамі, а пазней — з нямецкімі ганзейскімі гарадамі Заходняй Еўропы.
Выстава будзе працаваць да 16 снежня 2010 года.
