На Вадохрышча Віцебск наведалі пісьменнікі
Вечарам 19 студзеня 2008 г. у Віцебску прайшла прэзентацыя новых кніг і часопіса “Аrche”. На імпрэзе, якая праходзіла ў новым памяшканні рэдакцыі “Віцебскага кур’ера”, прысутнічалі пісьменнік Уладзімер Арлоў, пісьменніца Наталка Бабіна, рэдактар “Аrche” Валер Булгакаў і рэдактар “Нашай нівы” Андрэй Скурко.
З-за дрэннага надвор’я госці доўга не маглі дабрацца да Віцебска, таму сустрэча пачалася са спазненнем і прайшла сцісла і дынамічна. Спадар Арлоў яшчэ раз распавёў пра сваю кнігу “Імёны свабоды”, а спадарыня Бабіна прадставіла новы раман “Рыбін горад”. Апошні нумар “Аrche” і навінкі серыі “Кнігарня “Нашай нівы” былі прэзентаваныя Валерам Булгакавым, а напрыканцы сустрэчы Аднрэй Скурко прадэманстраваў караценькі фільм, які пазнаёміў прысутных з рэдакцыяй “Нашай нівы”.
На сустрэчу з пісьменнікамі, нягледзячы на завіруху і няблізкі свет, сабралася больш сарака чалавек.
