Які герб абраць Віцебскай вобласці?
Як ужо паведамлялі “Народныя навіны Віцебска”, распрацоўваецца герб Віцебскай вобласці. На дадзены момант Віцебская вобласць адзіная ў Беларусі, якае не мае свайго сімвала.
Першапачаткова за аснову абласнога было вырашана прыняць герб Віцебскай губерні узору 1856 г. (мал. справа). Праўда ад дубовага лісця, андрэеўскай стужкі і імперскай кароны усё ж адмовіліся. Зараз пачалася распрацоўка альтэрнатыўнага варыянта на аснове ўзору 1500 г., які стаў гербам Віцебскага ваяводства (мал. злева).
Да абмеркавання запрошаная шырокая грамадскасць і дызайнерам паступаюць прапановы, некаторыя з якіх гучаць некалькі дзіўна: напрыклад ветэранская арганізацыя прапаноўвала аперазаць шчыт георгіеўскай стужкай, а нехта палічыў, што дубовыя галіны лепш замяніць на снапы.
Прапануем і нашым чытачам прыняць удзел у абмеркаванні будучага герба Віцебскай вобласці і прагаласаваць за варыянт, які спадабаўся.
Loading ...