Народныя навіны ВіцебскаНародные новости Витебска

Пад час працаў у галоўным корпусе былога будынку Базылянскага кляштара ў Віцебску адкрытыя фрэскі другой паловы XVIII стагоддзя.

Фрэскі знайшлі ў памяшканні былой цёплай царквы пад некалькім слаямі алейнай фарбы, якой пакрываліся сцены ў будынку, дзе да апошняга часу размяшчаўся станка-інструментальны каледж, пра гэта паведаміў ў сацыяльных сетках архітэктар Яўген Калбовіч. У 2017 годзе гэты будынак перадалі гімназіі №1 і пачалася падрыхтоўка да яго рэканструкцыі.

у гэта цяжка паверыць. сёння ў Віцебску пад трыма пластамі алейнай фарбы адкрыты фрэскі 18 стагоддзя. It is hard to believe. Frescoes of the 18th century were found today in Vitebsk under the three coats of oil paint. #belarus #vitebsk #art? #culture #architecturelovers #heritage

A post shared by Евгений Колбович (@kolbovich) on Dec 7, 2017 at 11:06am PST

Акрамя фрэсак на столі будынка пры расчыстцы адкрыўся роспіс, выкананы ў тэхніцы грызайля — гэты від дэкаратыўнага жывавісу выкарыстоўваўся для імітацыі скульптурных барэльефаў, ці архітэктурных форм.

Мураваня будынкі Бызлянскага кляштару будаваліся з 1743 па 1785 год, акрамя памяшканняў манахаў у ім знаходзілася і школа для дзяцей шляхты. У 1799 годзе па загадзе расійскага імператара Паўла I кляштар і сабор пры ім былі перададзеныя праваслаўнаму ведамству.

Пасьля закрыцця каледжа на будынак прэтэндавалі некалькі розных арганізацый, у тым ліку — Віцебская епархія Беларускай праваслаўнай царквы. Галоўны корпус клшятара захаваўся ў перабудаваным выглядзе — ён быў значна пашыраны і страціў барочны дах.